Un c’è annu che veni e passa
che la genti si pripara a la festa du paisi.
U sinnacu nt’carrozza cerca grana e unni trova:
cerca sutta o lettu e trova un friscalettu.
Gira e firrìa pi la città, cosa mai troverà?
Un cumulu di petri disastrati,
sacchi di munnizza accatastati,
‘Gnaziu e Fonziu ‘o bar di la piazza, sdivacati…
Porca miseria, nenti picciulì truvà e la festa, ora, comu si fa?
‘O Comuni nuddru voli dà,
inguaiati ieri, oi e poi dumani semu sempri cca,
tantu rassegnati ché… nenti c’è di fa!
Me nanna mi cuntava
chi a li tempi di mastru Filippu,
un c’eranu sordi ma tanta dignità:
li tempi cangiarinu ma cosa n’arristà?
Suli amari tristizzi e nenti carità!
Si lu Cielu s’abbassò a la terra,
e lu Figliu Binidittu i nostri guai s’addossò pi nuatri,
Signuruzzu miu, aiutanni tu,
picchì nantri, di sta vita, unni putemu cchiù!
