“Susitivi ! Nun vi pari l’ura?” – Poesia del cattolicese Domenico Argento

Una bella poesia di Domenico Argento, di Cattolica Eraclea ma cresciuto ad Agrigento, ed ora trapiantato in Sardegna. Attualissima

SUSITIVI !

Susitivi ! Nun vi pari l’ura?
Vi lassastivu trattari comu fumeri
E vi usaru comu concimi
Appiru chiuri nni li so jardini
E ducizzi nni li so orti.
Susitivi Nun vi pari l’ura?
Sfruttanu li vostri vrazza
Pi fari li so palazzi e li so villi.
Si pigghiaru li vostri schini
E li curvaru comu lignu friscu
Vi carricaru comu scecchi
Pi purtari li so ricchizzi
Susitivi Nun vi pari l’ura?
Si pigliaru li vostri figli
e li mannaru luntanu,’n guerra
P’addifenniri li so ‘nteressi
P’arricchiri li so …..figli.
Susitivi ! Nun vi pari l’ura?

Vi resta sulu l’anima
E puru chissa si piglirannu
E farannu ancora fumeri
e s’accumincia daccapu.
Basta ! Susitivi ! Nun vi pari l’ura?
Basta fumeri pi concimi.
No vrazza da sfruttari.
Nenti cchiù schini da carricu.
Mai cchiù figli pi la guerra.
Dignità. Dignità. Pi tutti !

Amuni ! Susemuni ! E’ ura !

  • i sapori
  • gambino ass