Sulu tu si la vita me (Poesia di Jerry Scalici)
Quant’é bedda la fimmina me,
sia quannu si movi, chi quannu s’assetta.
Un s’annaca,
ma si lassa taliari.
È veru, macari parla troppu,
ma è l’amuri me.
Quannu a talìu dentru l’occhi so,
tuttu m’appari novu e mi scordu tutti cosi.
I so capiddi, beddi e ribelli comu sta terra siciliana,
tinginu di Suli l’iurnati di st’omu chi arranca dietru a li milli priuccupazioni di la vita so…
Veni prestu primavera, si idda surridi a mia,
ma cala tostu u ‘mbernu nta lu cori me, si la fimmina mia è tutta timpistusa!
Un é facili capirla quannu s’arrabbìa,
ma a vucca so, comu u zuccaru addiventa si parla d’amuri:
e pi mia è a cchiu bella melodia.
Stiddi, cielu, terra, mari, munti, amuri:
tu, Sulu e sulamenti Tu,
tuttu pi mia, tu si la vita me.
