“SENZA FUTURU”: poesia di Baldo Gurreri

SENZA FUTURU
Si li petri putissiru parlari,
avissiru tanti cosi di diri!..
Di ‘stu paisi senza futuru,
unni la luci s’ammisca cu scuru.
Hannu passatu migliara di anni,
e semu sempri tra li peni e l’affanni.
Semu sulu un populu d’emigrati,
eppuru semu tutti adduttrinati.
Quannu parlamu paremu’ lluminati.
Tutti sapemu unn’è la ragiuni o lu tortu.
Ma quannu po’, passamu a lu fattu,
‘i muschi cadinu intra lu piattu!..
Avia ragiuni n’amicu poeta,
ca stava sempri cu l’arma scueta.
Piglià ‘a valigia e si fici la via,
vidennu lu poviru chi disia
e li ricchi chi sprunianu e mangianu,
scrissi: “Sunnu li petri e chianginu!”
Pi ‘stu paisi nni la disolazioni,
ca nun si trova mai ‘na soluzioni.
Pi ‘stu paisi senza futuru,
lassatu a l’abbannunu e a lu scuru!
bagur

DETOX TRE MESI

Clicca sul banner  – Registrazione – Shop Online – Clicca sulla categoria HOME PHARMACY e scegli Detox Set