TUTTI QUANTI VINCERU,
MA VINCERU PI DAVERU!
FINA A QUANNU HANNU SUTTA
‘NA POLTRONA ANCHI RUTTA…
SUNNU TUTTI PALADINI
DI STI MISIRI DISTINI.
VENI RENZI, MA CCI PENSI?
FA LA VUCI BELLA GROSSA
E L’ITALIA SCUNCASSA.
QUANNU ARRIVA ALL’EUROPA,
LU CUNSIDIRANU ‘NA SCUPA!
UN PARLAMU DI BERLUSCONI,
ORAMAI D’ESTREMA UNZIONI.
FICI OMU AD ANGILINU
E DIVINNI UN PORCUSPINU!..
‘U VULIVA TENIRI STRITTU,
CCI SCAPPA’ ANCHI FITTU.
LU POLITICU SALVINI
VOLI FARI PULIZIA,
MA PINSASSI A SO NANNA,
A SO’ MA’ E A SO’ ZIA!
MANCU SAPI UNNI E’ MISU
E SI SENTI ‘MPARARISU!
PO’ CCI SUNNU I CINCU STIDDRI
E T’ARRIZZANU I CAPIDDRI.
VONNU FARI COSI BELLI
TRA LI ZUFFI E LI BURDELLI.
C’E’ ‘NA COSA CA MI STONA…
CA PI NENTI NUDDRU DUNA:
E’ POSSIBILI ‘STA GUERRA
PI ‘NA MISIRA POLTRONA?
MI LU DISSI UN CARU AMICU:
“ S’ARRINESCI A CUMANNARI,
TI SUDDISFI CCHIU’ CHI AMARI.
E M’A’ CRIDIRI SI TU DICU,
MA E’ CCHIU’ DUCI DI LA FICU!
Bagur
