CALATI JUNCU
Calati juncu ca passa la china!
E, siddru ‘nsisti, calati ancora,
ca prima o po’ arriva la bon’ura,
cangia la sorti e cangia la vintura.
Ma quantu chini hann’a passari,
‘ncapu li spaddri di sta miseria umana,
prima ca unu si pò rassinirari?..
Prima ca la vita diventa cchiù chiana,
prima ca si pò riiri lu schinu?
M’hannu fattu travagliari di vacanti chinu,
mannu lassatu cu li muschi ‘mmamu.
Sulu a via di “ VOSCIENZA BINIDICA”
haiu mangiatu quarchi muddrica
e riturnannu ,a sira cu scuru,
pani ammugliatu di chiddru duru!..
Bagur