Un tedescu (emigratu talianu)
Si fici ‘a facci tutta pizza pizza,
mentri taliava ddra vicinu,
vidennu ‘nterra tanta munnizza.
“ Iu vegnu di la terra di Alemanna.
Ddra ‘na carta o ‘na buttiglia‘nterra
Nun la etta mancu me nanna,
cu tuttu ch’è cristiana di la guerra”
‘Na matina ca m’avvicinavu o’ biduni,
vitti a chistu cu du sacca a pinnuluni
e mmeci di ittalli unn’era giustu,
li catafuttì ‘nterra pigliannuci gustu!
“Ma comu, un si’ chiddru di la terra prumissa?
Com’è c’arrivannu ccà perdi la scummissa?
“Cumpà, drrà sugnu custrettu a essiri civili,
ccà fazzu comu comu fannu tutti l’atri vili…
Bagur.